Auswandre des wär' doch was - han I mir halt so denk't
doch wo na' des woiß I net - I han mir's Hirn verrenkt

Vielleicht noch Skandinavie nuff - am beschda wär noch Schweda

do kann i glei in'd Bergla ganga - do friert's mi au' an'd Kleda

Am beschde bleibsch in Leidabach
der schenschde Ort der Welt
Wondersch da brauch'sch gar net na
brauch'sch bloß en haufa Geld
        
Wir wär's denn mit Amerika - do gibt's beschdimmt an Ort
Do kann i glei noch Schwoiga ganga - do verschdand i au koi Wort
            
Kasachschtan, han i scho k'hert - des Land isch riesagroß
Do denk i glei an Winnede - do isch au' nix los

Am beschde bleibsch in Leidabach
do kannsch oin droff lassa
die andre glotzet gans sche bled
die kennets gar net fassa            
    
Ungarn isch a schenes Land - do gibt’s au schene Fraue
In Höfe sehn se furchtbar aus - on' dän' di no verhaue

In Rußland, des isch weltbekannt - do saufetse wia'd Löcher
Bei ons doheim, ihr ahnet's scho - mir kennet's no viel besser